Gizartea -

Aiara, Araba

Haurren kanpamentu bat hustu dute Erbin, euri-jasak direla eta

Getxoko eskautak dira, 8 eta 14 urte bitartekoak, eta denak ondo daudela adierazi du Ertzaintzak.

kanpamentua
kanpamentua
31 ume eta 9 begirale atera dituzte Arabako kanpaleku batetik

1:39

Agentziak | Erredakzioa

Whatsapp Facebook Twitter Telegram Email

8 eta 14 urte bitarteko haur talde bat Erbiko kanpalekutik aterarazi du Ertzaintzak, gauean zehar izandako euri-jasak tarteko. 31 umeak eta 9 begiraleak Getxoko eskaut taldekoak dira.

Antza denez, euri zaparrada hasi zenean, kanpadendak urez betetzen hasi ziren, eta 22:00ak aldera, begiraleek laguntza eskatu zuten. Horren berri jasotakoan, Ertzaintzako, Babes Zibileko eta Gurutze Gorriko kideak bertaratu ziren, umeak kanpalekutik ateratzeko. Ertzaintzak adierazi duenez, haur eta begirale guztiak ondo daude, eta oraingoz Lantenoko (Aiara) eskoletan jarraituko dute.

Hau zure interesekoa bada, baliteke beste gai hauek ere izatea
Getxo Araba Denboraleak Gizartea bideoak Eguneko albisteak Gaurko azken orduko albistea Udalekuak Uda Umeak azken ordukoa