Gizartea -
Atxiloketak
Motorista mozkor batek lerro jarraituan aurreratu ditu ertzain batzuk
Beste bi motorista, bat mozkortuta, eta gidabaimenik gabe autoa zeraman gizon bat ere atxilotu zituzten.
Erredakzioa
Ertzaintzak motorista mozkor bat atxilotu zuen bart Durangon (Bizkaia) N-1 errepidean, lerro jarraitua zuen tarte batean ertzainen auto bat aurreratzeagatik, Herrizaingo Sailaren arabera.
Motorista geldiarazi ondoren, alkoholemia-proba egin zioten, eta emaitza 0,90 miligramo alkohol, botatako aire litro bakoitzeko izan zen (maximoa 0,25 da).
Ertzaintzak beste motorista bat atxilotu zuen atzo Kortezubin (Bizkaia) ihes egiten saiatu arren, ziklomotorrean kaskorik gabe joateagatik eta alkoholaren eraginpean gidatzeagatik; 0,94ko tasa eman zuen.
Arrasaten (Gipuzkoa), berriz, ziklomotor bateko gidaria atxilotu zuten, kaskorik eta gidabaimenik gabe gidatzeagatik, eta Beasainen (Gipuzkoa), epaileen aginduz gidabaimena kenduta izan arren gidatzen zihoan gizonezko bat.