Mutil bat hil da autoarekin Zubi Esekitik erorita

Biktima (22 urtekoa) zubiaren transbordadoretik erori da, Portugaleten geldirik zegoenean.

Erredakzioa

azken eguneratzea: 2010/09/08 16:10 (UTC+2)

Hogeita bi urteko mutil bat hil da bart Portugaleten, autoarekin Zubi Esekiaren transbordadoretik erorita, Herrizaingo Sailak informatu duenez.

Ezbeharra gauerdi aldera jazo da, transbordadorea Portugaleten geldirik zegoenean. Oraindik ez dago argi zer dela eta erori den ibilgailua.

Ertzaintzaren urpekariak hara bertaratu dira, eta autoan zihoan pertsona bakarra uretatik atera dute.

Dena dela, medikuak haren heriotza egiaztatu baino ezin izan du egin.

Polizia autonomikoak ikerketa abiatu du, gertatutakoa argitzeko.

Hau zure interesekoa bada, baliteke beste gai hauek ere izatea