Gizartea -
Ezbeharra
Portugaleko 10 turista hil dira Marokon, autobus istripuan
Gutxienez 14 pertsona zauritu dira, tartean Rinconeko (Mdiq) ospitalera eraman duten espainiar bat.
Erredakzioa
Portugaleko 10 turista hil dira gaur eta gutxienez beste 14 pertsona zauritu, horietako bat espainiarra, Marokoko iparraldean jazotako autobus istripu batean, iturri ofizialak aipatuta EFE agentziak jakinarazi duenez.
Ezbeharra 09:20an gertatu da, Castillejos-en (Fnideq), Ceutako mugatik gertu, autobusa Tetuan herrira zihoanean.
Oraindik ez dago argi zerk eragin duen istripua.
Espainiak Tetuanen duen Kontsulatuaren arabera, zauritu espainiarra Rinconeko (Mdiq) ospitalera eraman dute.
Iturri ofizial espainiarrek zehaztu dute turistak ''Funchal'' ontzi portugaldarrean iritsi zirela Marokora.
Hau zure interesekoa bada, baliteke beste gai hauek ere izatea