Gizartea -
Nafarroa
Sute batek kalte larriak eragin ditu kontzesionario batean, Beran
Zalain auzoko saltokiaren hiru solairuetan kalteak eragin ditu suak. Suhiltzaileen lanari esker, sua ez da ondoko pabiloietara hedatu. Ez da inor zauritu.
Erredakzioa
Gaur goizaldean piztutako sute batek kalte larriak eragin ditu motozikleta kontzesionario batean Beran (Nafarroan), baina ez da zauriturik izan, Nafarroako Gobernuak ohar baten bidez jakinarazi duenaren arabera.
N-121-A errepidetik zihoan gidari batek 112-SOS Nafarroara deitu du goizaldean, bertako denda batean ke handia eta garrak zeudela ohartarazteko.
Zalain auzoko saltoki horren hiru solairuetan kalteak eragin ditu suak.
Nafarroako Oronoz, Bera, Lesaka eta Cordovillatik eta Gipuzkoako Irundik bertaratu diren suhiltzaileen lanari esker, sua ez da ondoko pabiloietara hedatu.