Gizartea -
Muskiz
Kamioi bat irauli da eta bi tona koke isuri ditu Arenatik gertu
Kamioia Petronorreko petrolio-findegirantz zihoan istripua izan duenean. Enpresak ikerketa abiatu du istripua argitzeko.
agentziak | erredakzioa
Petrolio-findegiko kokea zeraman kamioi batek istripua izan du gaur, asteartea, Arenako (Muskiz, Bizkaia) hondartzara heltzeko biribilgunean, eta bi tona koke isuri dira. Zama Petronorreko portuko biltegira zeraman.
Petronorrek jakinarazi duenez, istripua 09:30ean gertatu da, eta enpresak Muskiz eta Zierbenako agintariak jakinaren gainean jarri ditu berehala, eta garbiketa taldea bidali du, materiala jaso dezan.
Petronorren arabera, ikerketa abiarazi dute isuria eragin duten "arrazoi zehatzak ezagutzeko".
Errepideak 13:00etan berreskuratu du normaltasuna, isuritakoa garbitu ostean.