Gizartea -
Erasoa
Bi gizon atxilotu dituzte gazte bati lepoa moztea egotzita, Gasteizen
Biktimari segika ibili ziren eta, ertzainak ikusi zituztenean, bi aizto bota zituzten hesi baten gainetik.
Erredakzioa
23 eta 30 urteko bi gizon atxilotu dituzte Gasteizen gazte bati sukaldeko aizto batekin lepoa moztea egotzita, Ertzaintzak jakinarazi duenez.
Gaur goizaldeko lau eta erdiak aldera, gazte batek Zabalgune inguruan patruilatzen zeuden agenteei laguntza eskatu zien. Lepoan zauri bat zuen, odoletan.
Ertzainek bi gizon ikusi zituzten biktimari segika eta agenteak ikusi zituztenean, bi aizto bota zituzten hesi baten gainetik.
Gaztea ospitale batera eraman zuten eta zenbait puntu eman zizkioten lepoan.
Hau zure interesekoa bada, baliteke beste gai hauek ere izatea