Emakume gazte bati sexu erasoa egin diote Bilboko etxebizitza batean

Emakume gazte bati sexu erasoa egin diote Bilboko etxebizitza batean, eta Ertzaintzak ustezko erasotzailea, 26 urteko gizon bat, atxilotu du, Eusko Jaurlaritzako Segurtasun Sailak jakinarazi duenez.

Biktimak salaketan azaldu duenez, erasoa hilaren 17ko (igandea) goizaldean jazo zen. Emakumeak lokal batean ezagutu zuen orain atxilotutakoa, eta ondoren etxebizitza batera joan ziren. Bertan, erasotzaileak sexu erasoa egin zion, eta telefonoa ostu zion.

Biktima Basurtuko Osputalean artatu zuten.

Ertzaintzak atzo atxilotu zuen ustezko erasotzailea, eta epailearenera eraman zuen.

 

_____________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.