Gizon bat hil da eta beste bi zauritu Donostian, istripu batean

25 urteko gizon bat hil eta 27 eta 29 urteko bi zauritu dira bart Donostia erdialdean, bi autok talka eginda.

Donostiako Udaltzaingoak jakinarazi duenez, istripua gauerdia jotzeko hamar minutu falta zirenean izan da, Bizkaia pasealekua eta Mundaiz zubiaren arteko elkargunean. Bertan bi autok alboz albo jo dute elkar.

Talkaren ondorioz, gidarietako bat hil egin da eta beste autoan zihoazen bi pertsonak zauritu egin dira. Donostia Ospitalera eraman dituzte artatzera.

Gipuzkoako hiriburuko Udaltzaingoak ikerketa hasi du istripua zelan gertatu den argitze aldera.