Gizartea -
Gertakizuna
Sute batek kalte handiak egin ditu Legazpiko baserri batean
Baserrian bizi diren sei pertsonak onik daude. Oraingoz ez dakite zerk eragin duen sua.
Erredakzioa
Sute batek kalte material handiak egin ditu gaur goizean Legazpiko (Gipuzkoa) Urtatza auzoan dagoen baserri batean. Dena dela, ez da inor zauritu.
Gipuzkoako suhiltzaileek EFEri azaldu diotenez, sua 07:30ean piztu da, baina oraindik ez dakite zerk eragin duen. Baserriko bizilagun batek ohartarazi du SOS Deiak larrialdi zerbitzua.
Suhiltzaileak sua itzaltzera bertaratu direnerako, bertan bizi diren sei pertsonak kanpoan zeuden, onik.
Eraikinaren teilatua eta goiko solairua guztiz erraustu dira, eta beheko biek kalteak izan dituzte, kearen eta uraren ondorioz.
Hau zure interesekoa bada, baliteke beste gai hauek ere izatea