Laban batekin bikoteari eraso egin zion gizona kartzelan sartu dute

Ertzaintzak 45 urteko gizonezko bat atxilotu zuen atzo Errenterian, bere bikotekideari hainbat labankada ematea egotzita.

45 urteko gizonezkoa atxilotuta eraman zuten eta gaur geratu da epailearen esku. Epaileak Martutenen sartzeko agindu du.

Bien bitartean, emakumea zauriak sendatzen ari da Donostia eritetxean.

Bart arratsaldean, partikular batek emandako abisuari esker topatu zuten emakumea, zaurituta, Errenteriako Iztieta auzoko etxebizitza batean. Han topatu zuten baita ere, ustez hari eraso egiteko bikotekideak erabilitako labana.