Publizitatea
X

Irratia zuzenean

Frankismoaren krimenak: Bergarako epaitegiak artxibatu egin du Elgetako kereila

Gizartea

Frankismoa

Bergarako epaitegiak artxibatu egin du Frankismoaren krimenengatik jarritako kereila

Agentziak | Erredakzioa

2018/01/08

Epaileak ebatzi du Elgetako Udalak salatutako krimenak preskribatuta daudela eta abenduan irekitako auzia artxibatu egin du.

  • Legution topatutako hobi bat. Artxiboko argazkia: Aranzadi

    Legution topatutako hobi bat. Artxiboko argazkia: Aranzadi

    Legution topatutako hobi bat. Artxiboko argazkia: Aranzadi
  • Whatsapp
  • Bidali

Elgetako Udalak kereila bat jarri zuen 2017ko azaroaren 14an herri horretan Frankismoak egin zituen krimenak argitzeko eskatuz. Bergarako epaitegiak gizateriaren kontrako krimenak izan zitezkeela ikusi eta gertakariak ofizioz ikertzeko auzibidea abiarazi zuen joan den abenduan.

Ildo horretan, kereilan aipatzen diren biktimen senideak deklaratzera deitu zituen epaileak. Hil honetan hartu behar zien deklarazioa, baina ez da horrelakorik izango.

Auzibideari ofizioz ekin zion epailea ordezkoa zen, eta epaile titularrak kasua artxibatu egin du, gizateriaren kontrako krimenak preskribatuta daudela esanez eta 1977ko Amnistia Legeari aipu eginez.

Elgetako Udalak eta Frankismoaren krimenen kontrako euskal plataformak gogor salatu dute epaile aldaketa eta auzia artxibatu izana: "Aldaketa honen atzean esku politikoa dago".

"Esku-hartze honek erakusten du Espainiako judikatura hutsunek nabarmenak dituela eta interes politikoen arabera jarduten duela; eta hori onartezina da bere burua demokratikotzat duen Estatu eta Gobernu batentzat", kritikatu dute.

Nolanahi ere, Frankismoak eragindako milaka biktimei "egia, justizia eta erreparazioa" aitortzeko lanean jarraituko dutela azpimarratu dute.

Iruzkinak

Publizitatea
  • Publizitatea
    NAHIERAN Ikusi berriro ETBko albistegiak NAHIERAN
    Erreportajeak Aktualitateari buruzko elkarrizketak. Erreportajeak
    Publizitatea
    Publizitatea

    Bisitatuena

      Kargatzen ikusiena
          Kargatzen ikusiena