Publizitatea
X

Irratia zuzenean

Donostiako Udalak otsailean onartuko du etxebizitza turistikoen ordenantza

Gizartea

Donostia

Donostiako Udalak otsailean onartuko du etxebizitza turistikoen ordenantza

Agentziak | Erredakzioa

2018/01/09

Ordenantza berria urtarrilean onartu behar zuten, baina alegazio ugari aurkeztu dira eta Udalak denbora gehiago behar du guztiak aztertzeko.

  • Eneko Goia Donostiako alkatea. Artxiboko argazkia: EFE

    Eneko Goia Donostiako alkatea. Artxiboko argazkia: EFE

    Eneko Goia Donostiako alkatea. Artxiboko argazkia: EFE
  • Whatsapp
  • Bidali

Donostiako Udalak otsaileko osoko bilkuran onartuko du etxebizitza turistikoak arautzeko ordenantza berria.

Egitasmoa joan den urriaren 26ko udalbatzarrean onartu zuen EAJk eta PSEk osatzen duten udal gobernuak. Datorren urtarrilaren 25ko osoko bilkuran berretsi behar zuten araudi berria, baina otsailera arte atzeratzea erabaki dute, jaso duten alegazio kopuru handia dela eta.

Eneko Goia alkateak azaldu duenez, "alegazio ugari aurkeztu dira eta erabat kontrakoak, gainera". Hori dela eta, Udalaren zerbitzu juridikoek denbora eskatu dute guztiak aztertu ahal izateko.

Alegazio gehienak Aparture Euskadiko etxebizitza turistikoen elkarteak eta Kaleratzeak Stop plataformak aurkeztu dituzte. Lehendabizikoak "liberalizazioa" eskatzen du; bigarrenak, etxebizitza turistikoak galaraztea.

Udalaren zerbitzu juridikoek txosten bat egingo dute, zein alegazio onartzen duten eta zeintzuk ez azalduz.

Hala ere, udal gobernuak izango du azken hitza, eta talde politikoek zuzenketak aurkezteko aukera izango dute.

Iruzkinak

Publizitatea
  • Publizitatea
    NAHIERAN Ikusi berriro ETBko albistegiak NAHIERAN
    Erreportajeak Aktualitateari buruzko elkarrizketak. Erreportajeak
    Publizitatea
    Publizitatea

    Bisitatuena

      Kargatzen ikusiena
          Kargatzen ikusiena