Gizartea -

AUZITEGI KONSTITUZIONALA

Konstituzionalak ez du onartu Martxoaren 3ko auzia artxibatzearen kontrako helegitea

Ez du tramitera onartu Arabako Batzar Nagusiek aurkeztutako helegitea. Martxoak 3 elkartea Estrasburgora jotzea aztertzen ari da.

Justizia eskatzeko Gasteizko kaleetan egindako manifestazioa. Artxiboko argazkia: EFE
Justizia eskatzeko Gasteizko kaleetan egindako manifestazioa. Artxiboko argazkia: EFE
Justizia eskatzeko Gasteizko kaleetan egindako manifestazioa. Artxiboko argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

Auzitegi Konstituzionalak ez du tramitera onartu Arabako Batzar Nagusiek 1976ko martxoaren 3ko gertaerak ikertzeko auzia artxibatzearen kontra aurkeztutako babes helegitea. Egun horretan, bost langile hil ziren Gasteizen karga polizialetan. Beraz, Konstituzionalak baztertu egin du 1976ko martxoaren 3ko gertakariak ikertzeko aukera.

Abenduaren 5eko data duen Konstituzionalaren erabakiaren arabera, helegiteak ez dira garrantzitsuak Konstituzioaren ikuspegitik.

Martxoak 3 elkarteak Auzitegi Konstituzionalaren "inpunitate frankista" salatu du. Aldi berean, Espainiako Estatuan "borondate falta" salatu du, nazioarteko zuzenbidean giza eskubideen alorrean dituen ardurak betetzeko.

Bestalde, Martxoak 3 elkarteak iragarri duenez, auzia Estrasburgoko Europako Giza Eskubideen Auzitegira eramatea aztertuko du helegitea aurkeztu duten erakundeekin batera.

Hau zure interesekoa bada, baliteke beste gai hauek ere izatea
Gasteizko Udala Araba Gizartea bideoak Albisteak Gaur Gasteiz berriak Gaurko azken orduko albistea Urtemuga martxoak 3 Giza Eskubideen Europako Auzitegia gaur