Gizartea -

Bizkaia

56 et 61 urteko bi txirrindulari zauritu dira Berangon eta Gueñesen

Aurrena auto batek harrapatu du Berangoko Eroskiren ondoan dagoen biribilgunean. Bestea autobus batek jo du BI-3651 errepidean.

Agentziak | Erredakzioa

Whatsapp Facebook Twitter Telegram Email

56 urteko txirrindulari bat zauritu da eguerdian, auto batek harrapatuta, BI-3737 errepidean, Berangoko (Bizkaia) Eroskiren alboan dagoen biribilgunean.

Eusko Jaurlaritzako Segurtasun Sailak jakitera eman duenez, istripua 12:30 aldera gertatu da. Zauritua Urdulizko ospitalera eraman dute.

Bestalde, 61 urteko txirrindulari bat zauritu da goizean. Dirudienez, Bizkaibuseko autobus batek jo du BI-3651 errepidean, Gueñesen.

Zauritua txirrindulari talde batean zihoan 09:40 aldera. Antza denez, eroriko bat izan du. Besaburuan lesioa du eta Gurutzetako ospitalera eraman dute. Ezbeharraren arrazoiak argitzeko ikerketa abiatu du Ertzaintzak.

Hau zure interesekoa bada, baliteke beste gai hauek ere izatea
Trafiko Ezbeharrak gaur Trafikoa Bizkaiko albisteak Gizartea bideoak Gaurko azken orduko albistea Berango albisteak Gueñes Enkarterri