Gizartea -
Atxiloketa
20 urteko gizon bat atxilotu dute Laudion, adingabeei sexu-abusuak egitea egotzita
Atxilotua epailearen esku utzi dute dagoeneko, Amurrioko epaitegietan. Gutxienez bederatzi adingaberi eraso die; horietako batzuk 13 urte dituzte.
E.L. | eitb.eus
20 urteko gizon gazte bat atxilotu dute Laudion (Araba), 16 urtez beherako adingabeei sexu-abusuak egitea egotzita, Ertzaintzako iturriek eitb.eus-i baieztatu diotenez.
Sumagarria iragan astelehenean, urtarrilak 29, atxilotu zuten Arabako herrian, eta jadanik epailearen esku utzi dute Amurrioko epaitegietan.
Gutxienez bederatzi adingaberi eraso die; horietako batzuk 13 urte dituzte. Ikerketak zabalik jarraitzen du, biktima gehiago egon daitezkeelako.
Antza denez, atxilotua biktimekin Whatsapp eta Instagram bidez harremanetan jartzen zen, eta eduki sexualeko irudiak eskatzen zizkien.