Renferen aldiriko tren bat bidetik irten da Sestaon, baina ez da zauriturik izan

Renfeko aldiriko tren bat bidetik irten da gaur arratsaldean, Sestaon, baina zorionez, ez da zauriturik izan, Herrizaingo Sailak jakitera eman duenez.

17:30 aldera izan da istripua. Antza, lurjausia izan da eta horrek erreietatik aterarazi du lehen bagoia Urbinagako estazio parean.

Larrialdi zerbitzuak bertaratu dira berehala, Bizkaiko suhiltzaileak eta Ertzaintza tartean eta zerbitzua geratuta egon da, gutxienez, 18:15 arte.

Renfeko beste tren bat joan da lekura bidaiariak jasotzera, eta Abandoko geltokira eraman dituzte.