Gizartea -
ISTRIPUAren ostean
Erabat berrezarri dute Renferen Bilbo eta Santurtzi arteko tren zerbitzua
Linea horretako trenbideetako bat itxita egon da otsailaren 3tik, Sestaon, Urbinagako tunelen ondoan izan zen luiziagatik.
AGENTZIAK | ERREDAKZIOA
Gaurtik aurrera berriro ere normal dabil Renferen Bilbo eta Santurtzi arteko tren zerbitzua.
Linea horretako trenbideetako bat itxita egon da otsailaren 3tik, Sestaon, Urbinagako tunelen ondoan izan zen luiziagatik.
Luiziak tren bat bidetik irtenarazi zuen, baina istripuan ez zen zauriturik gertatu.
Azken 10 egunetan, tunelaren inguruko lurrak sendotzeko lanek iraun duten bitartean, tren guztiek trenbide bakarretik ibili behar izan dute, eta horrek atzerapenak eragin ditu zerbitzuan.
Gaurtik aurrera, esan bezala, irekita daude bi trenbideak, eta Renfeko trenak normal dabiltza.