Gizartea -
Gertakaria
Madrilen hilda topatutako emakumearen bikotekidea bilatzen ari dira
Poliziak edukiontzi batean aurkitu zuten adingabearen heriotza prostituzioaren erlazionatua zegoela baztertu ostean, gaztearen bikotekidea, 21 urteko peruar bat, da orain susmagarri nagusia.
Erredakzioa
Polizia atzo Leganeseko (Madril) edukiontzi batean, maleta baten barruan, hilda topatu zuen neska gaztearen bikotekidearen bila dabil. Gorpua 16 urteko neska espainiar batena zela ziurtatu du ikerketak.
Orain, gaztearen 21 urteko bikotekide peruarra da susmagarri nagusia; izan ere, Poliziak heriotza prostituzioarekin erlazionatuta egotea baztertu du. Hasiera batean, komunikabideek eta bizilagunek adierazi zuten arren.
Ikerketaren iturriek jakinarazi dutenaren arabera, gaztearen gorpua Auzitegiko Institutu Anatomikoan dago eta autopsiak gertatutakoa argitzeko lagunduko du.
Hilotza biluzik eta maleta baten barruan topatu zuten. Poliziak azaldu zuenez, aurpegia oso makilatua eta gutxienez lepoan arma zuriarekin egindako zauri bat zuen. Zauri hori odolez zikindutako zapi zuri batekin estalia zuen.
Indarkeria matxistaren biktima dela baieztatzen badute, Espainia osoan urteko 61. heriotza izango litzateke eta Madrileko Autonomi Erkidegoko bosgarrena.
