Gizartea -
Kontu garbiketa Sondikan
Bi lagun atxilotu dituzte beste pertsona bati su ematen saiatzeagatik
Antza denez, bi atxilotuek erregaia bota dute lotan zegoen gizon baten gainean eta su ematen saiatu dira ondoren. Biktimak ez du zauririk izan.
Erredakzioa
Ertzaintzak gizon bat eta emakume bat atxilotu ditu gaur arratsaldean Sondikan (Bizkaia), ustez hutsik zegoen etxe batera joan eta "gorabeheraren" bat garbitzera joateagatik, Herrizaingo Sailak jakinarazi duenez.
Antza denez, ustezko erasotzaileek likido erregaia bota diote etzanda zegoen gizon bati eta su ematen saiatu dira. Biktima onik atera da, bakarrik erre baita ohazalaren zati bat.
Gertakizuna 13:30ean jaso da Artxanda eta Enekuri artean dagoen baserri batean; etxea hutsik dago, baina azkenaldian "behartsuak" bizi dira horretan.
Gertakizunaren nondik norakoak argitzeko ikerketa zabaldu dute, eta ertzainek alkohol pote bat aurkitu dute; ustez, sua pizteko erabilitako likido erregaia.
Lehen hipotesien arabera, eraso sexual eta lapurketa batekin zerikusia duen "kontu-garbitze" bat izan da; izan ere, joan den astean Ertzaintzak gizona atxilotu zuen bi kontu horiengatik.