Beasaingo eraikin bat jendez hustu dute, sute baten ondorioz

Sua garaje batean piztu da, eguerdian. Suteak ke handia eragin du, baina ez da inor zauritu. Bizilagunak etxera bueltatu dira jada.

AGENTZIAK | ERREDAKZIOA

azken eguneratzea: 2018/04/12 16:17 (UTC+2)

Beasain erdigunean dagoen eraikin batean sutea izan da eguerdian eta bizilagunak etxetik atera dituzte.

Sua beheko solairuan dagoen garaje batean piztu da. Ez da zauriturik izan, baina suteak ke handia eta kalte materialak eragin ditu.

Gipuzkoako Suhiltzaileek azaldu dutenez, ezbeharra Oriamendi kaleko 42. zenbakian gertatu da.

Suhiltzaileek lau solairuko eraikineko bizilagunak etxetik aterarazi dituzte. Ordubete geroago, baina, etxera bueltatu ahal izan dira.

Suak kalte material txikiak eragin ditu garajean eta garrak ez dira etxebizitzetara zabaldu.

Hau zure interesekoa bada, baliteke beste gai hauek ere izatea

Gipuzkoa Suteak Gizartea Beasain Albisteak