Gizon bat eta bi seme-alaba atxilotu dituzte familiako amari erasotzeagatik

Gizon bat eta bere bi seme-alaba atxilotu dituzte Valtierran (Nafarroa) familiako ama zauritzeagatik.

Emakumeak Foruzaingora deitu eta salatu zuen senarrak eta semeak eraso egin ziotela.

Bi patruila joan ziren etxera, eta alabak amaren salaketa ezeztatu eta bere gain hartu zuen erasoa. Hortaz, aita-semeak ez ezik, alaba ere atxilotu zuten. Amak zauriak zituen besoetan, eta alabak ere zauriren bat zuen.

Aita-semeek aurrekari penalak dituzte antzeko erasoengatik.

_________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan