Gizartea -

Errugbiko finalak

Bilbo, errugbiaren Europako hiriburu berria

Challenge Cup eta Champions Cupeko finalek 100.000 bisitari inguru erakarriko dituzte. Zalantzarik gabe, aurtengo kirol ekitaldi nagusienetako bat izango da.

Finalak San Mamesko zelaian jokatu dituzte. Argazkia: EFE
Finalak San Mamesko zelaian jokatu dituzte. Argazkia: EFE
Errugbi zaleak motorrak berotzen hasi dira Bilboko kaleetan

1:19

Agentziak | Erredakzioa

Whatsapp Facebook Twitter Telegram Email

Bilbo prest dago ostiralean eta larunbatean errugbiaren Europako hiriburu bilakatzeko, izan ere, Challenge Cup eta Champions Cupeko finalak, norgehiagoka kontinentaleko bi nagusiak, San Mames zelaian izango dira.

Lehengo asteburutik hitzordu garrantzitsu hau gogorarazten duten kartel eta argazki handiekin josita dago Bizkaiko hiriburua, bai kale eta plaza nagusietan, baita metro eta autobus geltokietan ere. Egunotan 100.000 bisitari inguru erakarriko ditu.

Gutxiengoan dagoen kirola izan arren, Bizkaian oso errotuta dago, eta azken egunotan bilbotarren eztabaida-gai bilakatu da.

Eztablazimenduetako erakusleihoetako dekorazio bereziak, Moyua plazako atezaintzek eta jokalariak kaleetan bideoetarako eta argazki-erreportaietarako jartzeak giroa sortzen lagundu dute. Zalantzarik gabe, aurtengo kirol ekitaldi nagusienetako bat izango da.

Hiri osoan zehar ezarritako 'Fan Zone'ak eta izango diren kontzertu, tailer eta erakusketek lau herrialde finalistetako (Irlanda, Frantzia, Gales eta Ingalaterra) eta gainerako autonomia erkidegoetako zaleak etxean bezala sentiaraziko dituzte.

Bisitariei egonaldia errazteko asmoz, Bilboko Udalak aplikazio bat egin du mugikorrentzat, finalei buruzko informazio osoa eskura izateko; euskaraz, gazteleraniaz, ingelesez eta frantsesez dago erabilgarri.

Final handien egutegia

Katedralean jokatuko den lehenengo partida Challenge Cupekoa da; ostiral honetan, 21:00etatik aurrera izango da, Galesko Cardiff Blues eta Ingalatarretako Gloucester taldeen artean. Errugbi kontinentaleko bigarren trofeorik garrantzitsuena egongo da jokoan.

Hitzordu garrantzitsua, Champions Cupeko finala, larunbatean, 17:45ean, helduko da. Denboraldiko bi talderik onenak lehiatuko dira: Irlandako Leinster (hiru aldiz izan da garaile) eta Frantziako Racing 92.

San Mameseko 53.000 aulkiak jendez lepo egotea espero da, Europako txapelduna ikusteko. Hitzordu historikoa izango da. Izan ere, lehenengo aldiz Sei Nazioetako zirkuitutik kanpo erabakiko da. Irlanda, Eskozia, Ingalaerra, Gales, Frantzia eta Italiako selekzioek jokatzen dute lehiaketa hori.

Errugbiko izan handi batzuk ikusi ahalko dira Katedralean. Bi taldeetako joko-zabaltzaileak, adibidez. Leinster taldeko Johnny Sexton oso jokalari garrantzitsua izan zen Irlandaren azken garaipen handian, eta Racing 92ko Dan Carter, 'all black' beteranoa', historiako jokalaririk onenetakoa da bere posizioan.

Apostuak oso berdinduta daude, baina aurreikuspenek Dublingo taldearen alde egiten dute, joera oso nabarmena ez bada ere. Ez du partidarik galdu txapelketean, eta kanporaketetan Saracens (30-19) eta Scarlets (38-16) taldeen aurka gailendu ziren.

Final handi honetarako gosegarri moduan, larunbat horretan, 12:00etatik aurrera, Getxoko Fadura zelaian Continental Shield jarriko da jokoan, Europako hirugarren torneoa. Errusiako Enisei STM eta Alemaniako Heidelberger lehiatuko dira.

Alkohola San Mamesen?

Eusko Jaurlaritzak azaldu duenez, alkohola kontsumitzea debekatuta egongo da estadio osoan, partidak hasi baino 15 minutu lehenagotik horiek amaitu eta 15 minutu ondoren arte, Adikzioen eta Drogamenpekotasunen 1/2016 legea ezarrita.

Kontzertuak eta jarduerak

Egitarauan, hainbat ekimen prestatu dituzte, hala nola talde ospetsuen abestiak moldatzen dituzten musikarien kontzertuak eta umeentzako jarduerak:

Ostirala, maiatzak 11

-17:00: Unai Goikolea DJ, Lowe eta Eley abesti klasikoen bertsioak egiten dituzten taldeak egongo dira Indautxu plazan.

-17:00-21:00: Taberna Ibiltaria Musika Taldeak euskal musika joko du Indautxun eta Aldundian.

Larunbata, maiatzak 12

-11:00-19:00: Umeentzako jarduerak eta txotxongiloak, Bihar Teatroaren eskutik, egongo dira Zabalgune eraikinean.

-16:45-20:00: The Groovies taldearen kontzertua izango da Bilboko kaleetan barrena kamioi baten gainean. Nazioarteko abesti arrakastatsuenak joko dituzte.

 

 

Eragina izango du trafikoan

Bilboko Udalak, Bizkaiko Aldundiak eta Eusko Jaurlaritzak operatibo berezia jarri dute martxan, espero den bisitari kopurua dela eta.

Udalak hiriko trafikoaren antolaketa moldatuko du kale jakin batzuetan, finalak jokatzen diren egunetan. Hala, ostiralean, 17:00etatik 00:00etara, Zingira (Ernesto Erkoreka plazaren parean) eta Erribera kaleak (Mesedeetako zubiaren parean) eta Areatzako zubia (Bailen kalearen parean) itxita egongo dira. Larunbatean, berriz, 12:00etatik 00:00etara debekatuko dute ibilgailuen joan-etorria kale horietan.

Halaber, ostiralean (21:00etan) eta larunbatean (17:45ean), partidak jokatzen ari diren bitartean, futbol partidak dauden egunetan egin ohi diren trafiko mozketak egingo dira San Mames estadioaren inguruko kaleetan.

Garraio publikoa

Garraio publikoa erabiltzeko eskatu dute agintariek. Bizkaiko Mugikortasunaren Agintaritzak koordinatuta, Bilbobus, Bizkaibus, Bilboko tranbia eta Bilboko metroa indartuko dituzte, ostiraletik hasita.

Metroak, esaterako, etengabeko zerbitzua emango du hiru egunetan, eta maiztasuna areagotu egingo da jende gehien espero den orduetan (ostiral eta larunbat gauean). Hiriburura ahalik eta ibilgailu gutxien sartzeko, aparkaleku bereziak jarriko dituzte Leioako eta Etxebarriko geltokien alboan, eta Barakaldoko BEC! erakustazokako aldirietako aparkalekuko plaza kopurua 1.500etik 4.000ra handituko dute.

Ostalaritza-ordutegia

Bilboko Udalak bi ordu luzatu die ixteko ordua hiriko ostalariei ostegunetik larunbatera, errugbi finalengatik.

Horrez gain, partidak hasi baino hiru ordu lehenago terrazak erretiratzeko eskatu die Udalak San Mames inguruko ostalariei, eta San Mames ondoko kaleetan lanean ari diren garraio enpresei, etxe-aldaketetan aritzen direnei eta obretako langileei egun horietan espazio publikoa libre uzteko eskatu die.

 

 

 

 

 

Hau zure interesekoa bada, baliteke beste gai hauek ere izatea
Kirolak Errugbia Bilbo Getxo Bizkaia San Mames Metro Bilbao Gizartea Beste kirol batzuk