Cabezudoren biktimen plataformak kasuaren inguruko 'isiltasuna etetea' eskatu du

Kote Cabezudo argazkilari donostiarraren biktimen plataformak, kasuaren inguruan dagoen "isiltasuna haustea" eskatu du. Argazkilaria ikertzen ari dira hainbat modelori abusuak egitea leporatuta. Joan den maiatzaren 4ean espetxean sartu zuten, behin-behinean.

Hala, dozenaka pertsona bildu dira gaur eguerdian Donostiako Udalaren aurrean, 'Kote Cabezudoren biktimentzat justizia' zihoen pankarta baten atzean.

Kote Camacho plataformako bozeramaileak bilkuran salatu duenez, kasu horren inguruan ustez interneten dagoen "material pornografikoa ez da guztiz ezabatu". Loic Alejandro Irabazi alderdiko zinegotzi donostiarraz gain, Gipuzkoako Ezker Anitzako koordinatzailea ere izan da elkarretaratzean.