Gizartea -
Euri denboralea
Ciudad Realeko ibai batean desagertutako haurra hilik aurkitu dute
Umea joan den asteartean desagertu zen azken egunotan jausitako euriak bere familiako ibilgailua eraman zuenean.
Erredakzioa
Atzo arratsaldean desagertutako umea hilik aurkitu dute gaur goizean; haurra bere familiarekin zihoan jeep batean urak ibilgailua eraman zuenean.
Lekukoen Efe albiste agentziari jakinarazi diotenez, Guardia Zibilak aurkitu du umearen gorpua errekaren ertzean; ibaiak ur asko darama azken egunetako euriteen ondorioz.
Ibilgailua arrastatua izan zen lekutik kilometro batera topatu dute gorpua; ezbeharra gertatu zen unean, haurra aitarekin eta 16 urteko anai batekin zegoen.
Alcudia ibaiaren ur-goraldiak ibilgailua aurretik eraman zuen, eta aitak eta anaia ibilgailutik ateratzea lortu arren, umea ezin izan zen atera.
AHT etenda
Bestalde, Villanueva de Cordoba eta Adamuz (Kordoba) herrien artean dagoen uholdeak Madril, Malaga eta Sevilla lotzen dituzten abiadura handiko trenak geldiarazi ditu, horrek hamar bat konboiri eragin die.