Emakume bat hil da Urkabustaitzen, zirkulazio istripuz

Emakumezko bat hil egin da gaur goizean zirkulazio istripuan Urkabustaitzen (Araba), Radio Euskadik informatu duenez. Ezbeharra 10:30ean jazo da, A-2521 errepidean, Orduñarako noranzkoan. Ordu horretan, ibilgailu bat errepidetik atera da eta talka egin du zuhaitz baten aurka.

Antza denez, biktima berehala hil da, osasun langileak iritsi direnean dagoeneko hilik baitzegoen.

12:00etan, suhiltzaileak gorpua ibilgailutik ateratzen saiatzen ari ziren oraindik, ondoren Gasteizko Auzitegi Medikuntza Institutura eramateko, autopsia egin diezaoten.

Ertzaintzak ikerketa abiatu du istripua zergatik jazo den argitzeko, baina baliteke izotz-plakek eragin izana.