Emakume bati eraso egin dio Gasteizen, ustez bere bikotekideak

Gasteizko Udaltzaingoak 39 urteko gizonezko bat atxilotu du bere bikotekideari eraso egitea leporatuta.

Udaltzaingoak gaur jakinarazi duenez, atzo 02:30ak aldera pertsona batek 092 telefonora deitu zuen bikote bat Herran kalean eztabaidan ari zela eta gizonak emakumea jo zuela ohartaraziz.

Lekukoen testigantzari esker, udaltzainek ustezko erasotzailea identifikatu eta atxilotu zuten. Emakumea, ostera, Santiago ospitalera eraman zuten aurpegian zituen lesioak artatzeko.

___________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.

Informazio gehiago, laster