Gizonezko batek lau pertsona hil ditu tiroz, Gironan

Gizonezko batek lau pertsona hil ditu tiroz Oloteko (Girona) taberna batean eta Caja de Ahorros del Mediterraneo (CAM) kutxaren bulego batean, Esquadra Mossoek jakitera eman dutenez. Ustezko hiltzailea Pere P. La Vall d''en Bas (Girona) herriko 57 urteko gizonezko bat da. Sindikatuetako iturrien arabera, eraikuntza-enpresa batean egiten zuen lan eta, duela egun batzuk, kaleratu egin dute. Hildakoetako bi enpresa horretako nagusiak ziren. Zor zioten dirua kobratzera joan omen da bankura, baina ezin izan du taloia kobratu.

"Orain gustura nago", esan du egileak hilketakordu erdian egin eta bere burua poliziaren esku utzi ostean, testigu baten aburuz.

Lehendabizi, 08:30 inguruan, La Canya izeneko herrira joan da eta taberna batean zeuden Joan Tubert (62 urte) Construccions Tubert izeneko enpresa-eraikitzaileko zuzendaria eta Angel Tubert (35 urte) haren semea hil ditu.

Eraikitzailearen ezagun baten arabera, erasotzailea eta beste hainbat langile urtarrila aldera kalera botatzeko asmoa zuen eraikuntza-enpresaren jabeak; izan ere, ez zituen zenbait lan kobratu eta arazo ekonomikoak zituen. Gainera, ustezko hiltzailearen ezagun batek adierazi duenez, enpresak "ez zion ordaintzen".

Lehen tiroketaren ostean, akusatua Oloteko CAM aurrezki kutxaren bulegora joan da, 09:21 aldera. Une horretan, hiru langile zeuden bertan eta, dirudienez, ez zegoen bezerorik.

Eskopeta eskuan, akusatuak tiro egin du bi langileren aurka, eta biak, gizon bat eta emakume bat, ia berehala hil dira. Hirugarren langilea bulego batean zegoen une horretan, eta onik dago.

Udaltzain batzuk atxilotutakoak kanpoaldean txarto aparkatuta utzitako ibilgailua ikuskatzen ari zirela, gizonezkoa bankutik atera da, arineketan, eta agenteak ikustean, bere burua entregatu du, poliziei aurre egin barik eta eskopeta oraindik eskuan zuela.

Hiru eguneko dolua deitu du eta bihar eguerdirako bilkura isila deitu ditu Oloteko&' || 'nbsp;Udalak. CCOO eta UGT sindikatuek, banketxe eta aurrezki kutxetako langileak deitu ditu&' || 'nbsp; eguerdian bost minutuko lan uzteak egiteko hilketaren gaitzespen gisa. Arrisku ebaluazio hobeen beharra eskatu dute sindikatuek aurrezki kutxa eta banketxeetako langileentzat.

Gertatutakoa sorberritzea

Atxilotua Esquadra Mossoekin izan da La Canya tabernan krimena sorberritzen laguntzeko.

Sei ibilgailuko karabana bat heldu da 18:00ak aldera tabernara, bertatik Pere P.P. jaitsi da eskuburdinekin eta ikertzaileekin lankidetzan aritu da gertatutakoa sorberritzeko.