Publizitatea
X

Irratia zuzenean

Paco Etxeberriak Manuel de Irujo Saria jaso du

Gizartea

Sari banaketa

Paco Etxeberriak Manuel de Irujo Saria jaso du

Agentziak | Erredakzioa

2018/06/09

Antropologo eta auzitegi-medikuak esan du bere lanarekin 'guztia galdu zuen' belaunaldia omentzea duela helburu.

  • Paco Etxeberria antropologo eta auzitegi-medikua. Artxiboko irudia: EiTB

    Paco Etxeberria antropologo eta auzitegi-medikua. Artxiboko irudia: EiTB

    Paco Etxeberria antropologo eta auzitegi-medikua. Artxiboko irudia: EiTB
  • Whatsapp
  • Bidali

Paco Etxeberria Gabilondo antropologo eta auzitegi-medikuak XVIII Manuel de Irujo Saria jaso du larunbat honetan, memoria historikoaren arloan egin duen lanagatik. Bere lanarekin "guztia galdu zuen" belaunaldia omentzea duela helburu adierazi du.

Etxeberriak kazetariei azaldu dienez, sariaren albistea "ustekabean" hartu zuen, eta gaur "hunkituta" jaso du, ordezkatzen duen izenagatik.

Manuel de Irujo "garai gogorretan, gai humanistikoengatik kezkatuta zegoen pertsona" zela esan du; "horrek nire arbasoak gogorarazten dizkit, nire gurasoak".

"Guztia galdu zuen belaunaldia izan zen, ez zen behar bezala tratatu eta gu aurrera ateratzen jardun zuen, buelta eman ahal zitzaion egoera baten aurrean saiatuta", adierazi du Etxeberriak. "Orain memoria historikoko lan horrekin jarraitu beharra dago, baita belaunaldi hori omentzea oinarri hartuta oroimena egiten ere", gaineratu du.

Sari banaketa Montejurrako Mankomunikatearen ekitaldi aretoan izan da; bertan Paco Etxeberriak Manuel de Irujo Sariaren Urrezko Domina jaso du, Jose Luis de la Cuesta Zigor Zuzenbideko katedratikoaren eskutik. Koldo Viñuales Irujo Etxea Fundazioko presidenteak elkarteko anagrama baten egurrezko tailua jaso du.

Ekitaldian, besteak beste, Manu Ayerdi Nafarroako Gobernuko presidenteordea eta Maria Solana eta Josu Erkoreka, hurrenez hurren, Foru Gobernuko eta Eusko Jaurlaritzako bozeramaileak, izan dira.

Iruzkinak

Publizitatea
Publizitatea
NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena