Gizartea -

IRAGARPENA

Abisu horia ezarri dute kostaldean, prezipitazio handiengatik

Euriari dagokion abisu horia 14:00ak arte egongo da indarrean. Euskalmeten iragarpenaren arabera, metro koadroko 15 litro ur pilatu daitezke ordubetean.

Euria Bilbon. Artxiboko argazkia: EFE
Euria Bilbon. Artxiboko argazkia: EFE
Euria Bilbon. Artxiboko argazkia: EFE

EITB.EUS

Whatsapp Facebook Twitter Telegram Email

Eusko Jaurlaritzako Segurtasun Sailak euriari dagokion abisu horia aktibatu du 09:00etatik 14:00ak arte. Izan ere, Euskalmeten iragarpenaren arabera, metro koadroko 15 litro ur pilatu daitezke ordubetean kostaldeko zenbait tokitan.

Gaur, zaparrada txiki-ertainak eta trumoitsuak botako ditu, eta baliteke, iragarpenaren arabera, zenbait tokitan handiak izatea. Arratsaldean atertzera egingo du. Mendebal eta ipar-mendebaldeko haizeak ahul ibiliko dira, baina kostaldean bolada gogorrak ere izan daitezke. Tenperatura maximoak nahikoa edo nabarmen jaitsiko dira.

Asteartean, euria barra-barra egingo du goizean eta arratsaldeko lehen orduetan ipar-ekialdean. Hegoaldean, berriz, euri txikia egingo du noizbehinka, eta ostarteak zabalduko dira eguerditik aurrera. Mendebaldeko edo ipar-mendebaldeko haizeak zakar joko du kostaldean, eta tenperaturan ez da aldaketa nabarmenik espero.

Hau zure interesekoa bada, baliteke beste gai hauek ere izatea
Bizkaia Gipuzkoako albisteak Alerta meteorologikoak bideoak EAE albisteak Eguraldia Gizartea bideoak Eguneko albisteak Albisteak