Gizartea -

Abetxuku, gasteiz

Zadorrara eroritako 92 urteko gizonezko bat erreskatatu dute goizaldean

Gizona atzo arratsaldean desagertu zen eta, horrezkero, bilaketa operazioa abiarazi zuten larrialdietako zerbitzuek. 02:00ak inguruan aurkitu dute Gurutze Gorriko kideek.

Gizona Abetxukuko zubiaren inguruetan topatu dute. Argazkia: Google Street View
Gizona Abetxukuko zubiaren inguruetan topatu dute. Argazkia: Google Street View
Gizona Abetxukuko zubiaren inguruetan topatu dute. Argazkia: Google Street View

i.g. | eitb.eus

Whatsapp Facebook Twitter Telegram Email

92 urteko gizonezko bat erreskatatu dute gaur goizaldean, ostirala, Zadorra ibaira erori ostean, Abetxukun (Gasteiz).

Segurtasun Sailak eitb.eus-i azaldu dionaren arabera, senide batek eman zuen Gasteizko bizilagun horren desagerpenaren berri atzo arratsaldean, horrezkero, bilaketa operazioa abiarazi zuten larrialdietarako zerbitzuek, 22:30 aldera.

Handik ordu batzuetara, 02:00ak inguruan, Gurutze Gorriko kideek gizona onik topatu dute, Zadorra ibaira erori ostean. Ondoren, hiriburu arabarreko Txagorritxuko Ospitalera eraman dute.

Hau zure interesekoa bada, baliteke beste gai hauek ere izatea
Araba Gizartea Albisteak Gaur Gasteiz Gaurko azken orduko albistea Desagertutako pertsonak gaur Euskal Herriko ibaiak Abetxukuko albisteak