Gizartea -
Tren bat bidetik atera ostean
Bilbo eta Balmaseda lotzen dituen tren zerbitzua, berriro martxan
Errei bakarreko trenbidea itxita egon da 04:40 arte. Istripua izan duen merkantzia-trenaren karga trenbidetik kendu ostean zabaldu dute berriro, Renfek baieztatu duenez.
eitb.eus
Merkantzia-tren bat errailetik atera zen igandean, Gueñesen (Enkarterri, Bizkaia). Sustoa baino ez da izan, baina ezbeharrak tren zerbitzuari eragin dio.
Merkantzia-treneko bagoi bat 17:30 aldera errailetik atera zen, oraindik ez dakite zergatik. Bilbotik Santanderrera zihoan trenak Arangurengo geralekutik gertu izan zuen istripua. Ez zen inor zauritu, baina Bilbo eta Balmaseda arteko bidaiarien tren zerbitzua eten behar izan zuten.
Errei bakarreko trenbidea 04:40 arte egon da itxita. Istripua izan duen merkantzia-trenaren karga trenbidetik kendu ostean zabaldu dute berriro, Renfek baieztatu duenez.