Publizitatea
X

Irratia zuzenean

Indarkeria matxista: Sexu-erasoa Zumarragan, 2018ko uztailaren 7an

Gizartea

Indarkeria matxista

Emakume gazte bati sexu-erasoa egin diote Zumarragan

AGENTZIAK | ERREDAKZIOA

2018/07/11

Herriko bi mutilek lagundu zioten biktimari. Erasoa Zumarragako landa-eremu batean jazo zen.

  • Whatsapp
  • Bidali

Gipuzkoako Foru Aldundiak eta Zumarragako Udalak gaitzetsi egin dute udalerri horretan emakume gazte batek joan den astean jasan zuen sexu-erasoa.

Gertakariak uztailaren 7an, goizean, jazo ziren, Zumarragako landa-eremu batean. Neska lo-zaku batean zegoela, 40 urteko gizonezko batek ukituak egin zizkion. Herriko bi mutilek lagundu zioten biktimari. Antza, auto-stop eginda iritsi zen Zumarragara.

Astelehenean epaiketa azkarra egin zuten eta erasotzaileari jazarpen arina eta neska beldurrarazi izana egotzi diote.

Zumarragako Udalak adierazpen instituzionala onartu du gaur alderdi politiko guztien babesarekin, gertatutakoa gaitzesteko eta indarkeria mota guztien kontrako konpromisoa eta biolentzia desagerrarazteko neurriak hartzeko borondatea agertzeko.

Biktimari babesa helarazi diote eta hari lagundu zioten bi mutilen jarrera goraipatu dute, "erakutsitako elkartasunagatik".

Indarkeria matxista desagerrarazteko planak eta programak gauzatzen jarraituko du Udalak, baina, aldi berean, ezinbestekotzat jo du "adin guztietako gizon eta emakume guztien inplikazioa". Ildo horretan, erasoak ekiditeko "jarrera aktiboa" ager dezatela eskatu die herritarrei.

Gipuzkoako Foru Aldundiak ere bere egin du Zumarragako Udalaren adierazpena eta sexu-erasoa gaitzetsi du.

_________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.

Iruzkinak

Publizitatea
  • Publizitatea
    NAHIERAN Ikusi berriro ETBko albistegiak NAHIERAN
    Erreportajeak Aktualitateari buruzko elkarrizketak. Erreportajeak
    Publizitatea
    Publizitatea

    Bisitatuena

      Kargatzen ikusiena
          Kargatzen ikusiena