Publizitatea
X

Irratia zuzenean

Sanferminak 2018: Txarto etiketatutako 5.000 kilo jaki konfiskatu dituzte

Gizartea

Sanferminetan saltzeko prest

Txarto etiketatutako edo egoera txarrean zeuden 5.000 kilo jaki konfiskatu dituzte

Agentzia | Erredakzioa

2018/07/12

Iruñerriko industria nabe batean etiketatze araudia betetzen ez zuten 4.000 kilo elikagai atzeman ditu Guardia Zibilak. Lesakan, egoera txarrean zeuden 300 kilo haragi eta 150 oilasko topatu dituzte.

  • Agente bat industriagune batean atzemandako janariarekin. Argazkia: Guardia Zibila

    Agente bat industriagune batean atzemandako janariarekin. Argazkia: Guardia Zibila

    Agente bat industriagune batean atzemandako janariarekin. Argazkia: Guardia Zibila
  • Whatsapp
  • Bidali

San Fermin jaietan salduko diren elikagaiak kontrolatzeko operazio berezia egin ohi du Guardia Zibilak. Aurten, 5.000 kilo jaki konfiskatu ditu, etiketatze araudia ez betetzeagatik edo egoera txarrean egoteagatik.

Konfiskatutako produktuen artean denetarik zegoen, hala nola, oliba olia, datilak, kuskusa, oilaskoak, solomoa, pernila, txistorra, gazta, mamia eta edariak.

Bi operazio egin ditu Guardia Zibilak egunotan. Uztailaren 2an egindako batean 4.000 kilo elikagai atzeman zituzten Iruñerriko industria nabe batean. Etiketatze araudia urratzen zuten denek. Enpresak jangaiak inportatzen ditu, gero saltoki eta jatetxe txikiei saltzeko.

Nabean honakoak topatu zituzten: 1.538 litro olio, 2.130 kilo datil, 640 kilo kuskus, 192 litro marrubizko freskagarri, eta 34 litro arrosa usaina duen ura.

Lesakan egindako bigarren operazio batean egoera txarrean zeuden elikagaiak zeramatzaten bi kamioi atzeman zituzten agenteek.

Ibilgailuetako batean 300 kilo janari topatu zituzten (txistorrak, txorizoak, solomoa, pernila, york urdaiazpiko, hirugiharra, kebab haragia, gazta, mamia, oilasko bularkiak, odolosteak eta saltsa ugari). Bigarren kamioian, 150 oilasko zeuden, 300 bat kilo, guztira.

Elikagaiak konfiskatu ondoren, gidarien kontrako salaketa jarri zuten agenteek elikagaien segurtasunari buruzko legea urratzeagatik.

Iruzkinak

Publizitatea
  • Publizitatea
    NAHIERAN Ikusi berriro ETBko albistegiak NAHIERAN
    Erreportajeak Aktualitateari buruzko elkarrizketak. Erreportajeak
    Publizitatea
    Publizitatea

    Bisitatuena

      Kargatzen ikusiena
          Kargatzen ikusiena