Gizartea -
Segurtasuna
Bilbao BBK Live droneen bidez kontrolatu dute lehen aldiz
Ertzaintzak tripulaziorik gabeko aire ibilgailuak erabili ditu musika jaialdiko sarbideak eta gune sentsibleenak kontrolatzeko.
Agentzia | Erredazkioa
Lehen aldiz, droneak erabili ditu Ertzaintzak ekitaldi masibo bat zaindu eta kontrolatzeko. Uztailaren 12tik 14ra Bilbon erabili ditu tripulaziorik gabeko aire ibilgailuak Polizia Autonomikoak: Bilbao BBK Live jaialdian, hain justu. Gauero 40.000 pertsona batu dira Kobetamendin.
Eusko Jaurlaritzako Segurtasun Sailak ohar batean jakinarazi duenez, ohiko segurtasun operazioa jarri zuen martxan Ertzaintzak, baina aurten lehen aldiz, Erreskate eta Zaintzarako Unitatearen Helikopteroen Atala batu zen dispositibora, droneak erabiliz. Ibilgailu horiei esker jaialdiko sarbideak eta gune sentsibleenak hobeto zaindu ahal izan zituen Ertzaintzak, denbora eta baliabideak murriztuz.
Euskadin, Bilboko Aireportuaren igarotze-gunearen baitan, baimendutako eta koordinatutako lehen drone hegaldiak izan dira honakoak. Hori horrela, abisu berezia (Notam, ingelesezko sigletan) eman behar izan Ertzaintzak
Kontzertuen gunea, drone batetik ikusia. Argazkia: Ertzaintza
Esperientzia horren ondotik, beste segurtasun operazio batzuetan droneak erabiltzeko prest azaldu da Segurtasun Saila.