Gizartea -
Itsas-lapurrak
Bi galiziar daude Indiako Ozeanoan bahitu duten itsasontzian
Ontziaren kapitaina eta kontramaisua dira. Arrantzontzia abenduaren 31n ikusi zuten azkeneko aldiz, Mozambikeko kostatik gertu.
Errredakzioa
Bi arrantzale galiziar daude Madagascarreko kostatik gertu bahitu duten Vega 5 itsasontzian, Cepescako iturriek jakitera eman dutenez.
Ontziaren kapitaina eta kontramaisua dira. Arrantzontzia abenduaren 31n ikusi zuten azkeneko aldiz, Mozambikeko kostatik gertu, Comoras Irletatik 200 milia ingurura, Atalanta Europar Batasunak itsas-lapurren kontra abiatutako misioaren arabera.
Piratek erabili ohi duten itsasontzi bat ikusi zuten arrantzontzia atoian eramaten. Mozambikeko bandera duen itsasontziak ez zien Atalanta misioaren deiei erantzuten, eta oraindik ez dute lortu haiekin harremanetan jartzea.
Vega 5 ontziak 140 tona garraia ditzake eta 24 metro luze da.