Gizartea -
Tabakoaren legea indarrean
Isuna jarri diote bezeroei erretzen uzten dien Valentziako jatetxeari
Jabeak ez daki zenbatekoa den isuna 'paperean ez baitu ezer jartzen'. Poliziak tabernako bi bezerori ere zigorra ezarri die.
Erredakzioa
Poliziak Valentziako jatetxeko jabeari isuna jarri dio tabakoaren kontrako legea betetzen ez duelako. Bezeroei erretzen uzten, jatetxeak urtarrilaren 2tik galdu zuen bezeriaren zati bat berreskuratu du.
Hala baieztatu du Rodrigo Arroyok, Rodrigo taberna eta jatetxeko jabeak, “gainera” gaur goizean Osasun Saileko bi ikertzaile joan direla adierazi du, eta akta bat egin dute bezeroei erretzen uzten zaiela esanez.
Arroyok esan duenez, ez daki isuna zenbatekoa den, “paperean ez baitu ezer jartzen”; Poliziak jatetxean erretzen ari ziren bi pertsonei ere isuna jarri die. Horrez gain, ez daki Polizia tabernara joatea "kasualitate hutsa" izan zen edo "bizilagunen batek" jakinaren gainean jarri izan duen.
"Jatetxean erre daitekeela dioten kartelak kendu ezean, 6.000 euro kostatuko zaidala hau guztia mehatxu egin didate" adierazi du.
