Gizartea -
Erreskatea
Galindo ibaira erori den gizon bat erreskatatu dute Barakaldon
Gizona ur gainean flotatzen zegoen bihotz-birikak geldituta, baina larrialdi zerbitzuek suspertzea lortu dute.
Agentziak | Erredakzioa
Barakaldoko udaltzainek Galindo ibaira eroritako 84 urteko gizon bat erreskatatu dute, Bilboko Itsasadarreko ibai-ahotik gertu.
Uretara sartu eta gizona ateratzea lortu dute agenteek. Uretan flotatzen ari zen, bihotz-birikak geldituta, baina suspertzea lortu dute.
Larrialdi zerbitzuak ezbeharraren tokira hurbildu dira, Ibaibe kalera. Han, 84 urteko gizona Gurutzetako erietxera eraman dute, eta han ospitaleratuta geratu da.
Hau zure interesekoa bada, baliteke beste gai hauek ere izatea