Gizartea -

Ostiral honetan

Santutxuk hartu du Bilboko migratzaileei zuzendutako arreta zerbitzuaren ardura

Ostiral arratsalde honetan, Santutxuko auzokideek hartu dute kudeaketaren ardura. Bilbo Zaharrekoek 40 eta 50 pertsonari ematen zieten zerbitzua egunean; egun, ordea, 150i eskaintzera ere iritsi dira.

Migratzaileak Bilboko aterpetxean artxiboko irudi batean. Argazkia: EITB
Migratzaileak Bilboko aterpetxean artxiboko irudi batean. Argazkia: EITB
Migratzaileak Bilboko aterpetxean artxiboko irudi batean. Argazkia: EITB

AGENTZIAK | ERREDAKZIOA

Whatsapp Facebook Twitter Telegram Email

Santutxu auzoak ostiral arratsalde honetan hartu du Bilboko etorkinei zuzendutako arreta zerbitzua kudeatzeko ardura. Orain arte, Bilbo Zaharrak ematen zuen zerbitzua, ostatua eta janaria eskainiz.

Kalejira hasi aurretik, migratzaileei eskaini dieten babesa eskertu nahi izan die migratzaileen kolektiboko bozeramaileak Bilbo Zaharreko auzokideei, eta Santutxuko bizilagunei ere eskerrak luzatu dizkie, gaurtik aurrera horiek izango baitira etorkinak artatuko dituztenak.

Ildo horretatik, "ez direla bidean dauden pertsonak" aintzat har ditzaten eskatu die bozeramaileak herritarrei eta erakundeei. Hala, etorkinei "baliabide duinak" eskaintzea eskatu diete erakundeei. ¿Noiz arte jarraituko dugu bidean?, galdegin dio bere buruari.

Bilbo Zaharreko auzokideek 40 eta 50 pertsonari ematen zieten zerbitzua egunean, egun, ordea, 150i eskaintzera ere iritsi dira. Ostiral honetan, hortaz, Santutxukoek hartu dute kudeaketaren ardura.

Ordezkaritza nolabait irudikatzeko nahian, manifestazio bat deitu dute San Franciscon hasi eta Bilboko kaleak zeharkatu dituena, eta erakundeei beraiekin batera elkarlanean aritzeko eskatu diete beste behin ere.

Bizkaiara iristen diren persona horietako asko iragaitzazko bidaiariak dira (Frantziarantz edo Britainia Handirantz), baina badaude ere Bilbon gelditzea erabakitzen dutenak zer egin jakin gabe. Gurutze Gorriaren aterpetxean 88 plaza daude erabilgarri eta bost egun eman ditzakete bertan.

Hau zure interesekoa bada, baliteke beste gai hauek ere izatea
Bilbo Santutxu Gizartea