Labana batez egin dio eraso trafikoari buruzko eztabaida batean

Ertzaintzak 49 urteko gizonezko bat atxilotu zuen atzo trafikoari buruzko eztabaida batean beste gidari bati labana batez eraso egiteagatik.

Herrizaingo Sailak jakitera eman duenez, erasoa atzoko 07:20an gertatu zen Barakaldon (Bizkaia). Gidarietako batek autoarekin Arrontegi auzora joan nahi zuen eta besteak ez zion utzi, hori dela eta, eztabaidan hasi ziren.

Orduan, gidarietako batek labana atera zuen eta besteari zauriak egin zizkion lepoan. Ertzaintzak ustezko erasotzailea atxilotu zuen eta zauritua ospitalera eraman behar izan zuten.

Atxilotuak edanda zegoela zirudiela esan du Ertzaintzak eta gainean omen zeramatzan labana eta guraize batzuk.