Makilatutako bost urteko neskatoen argazkiak, 'Vogue' aldizkarian

Vogue Paris Cadeaux aldizkariak argitaratu duen azken aleak iskanbila eragin du, Frantzian. Eztabaida dagoeneko mundu osoan hedatu da. Aldizkariak bost eta zazpi urteko neskatoen irudiak argitaratu ditu. Argazki horietan, adingabeek jarrera sentsualean, takoiekin eta makilatuak agertzen dira. Gainera, goi mailako etxeen jantziak eta bitxiak daramatzate soinean.

Haurrek Bulgari, Boucheron eta Van Cleef &' || 'amp; Arpels etxeen lepokoak dituzte. Argazkiak Sharif Hamza argazkilari ospetsuak egin ditu eta Thylane, Lea eta Prune hiru modelo gazteak ohe batean etzanda edo ispilu baten aurrean atera ditu. Versace, Lanvin edo Yves Saint Laurent disenatzaileen jantziak erabili dituzte lan honetarako.

Erreportajeak amaren arroparekin jolasean ari diren hiru umeren irudi elegante bat islatu nahi duen arren, kritika asko jaso ditu eta kontrakoek adingabearen defendatzaileek parte hartzearen zain daude.