Gizartea -
GIPUZKOA
36 urteko gizon bat atxilotu dute Pasaian, beste bati labanaz erasotzea egotzita
Izapideak amaitutakoan, atxilotua epailearen aurretik igaroko da. Zaurituak sabelaldean jaso du labankada, eta Donostia ospitalera eraman dute.
EITB.EUS
Ertzaintzak 36 urteko gizon bat atxilotu du asteazken goizaldean Pasaian, taberna batean izandako borroka batean beste gizon bati labana batekin eraso egitea egotzita, Eusko Jaurlaritzako Segurtasun Sailak jakinarazi duenez.
Lekukoek eman diete abisua ertzainei, 03:30 aldera, gizon bat labanaz zaurituta zegoela eta erasotzaileak ihes egin zuela esanez.
Bertaratu diren agenteek egiaztatu dutenez, zaurituak sabelaldean jaso du labankada; ondorioz, Donostia Ospitalera eraman dute.
Tokian bertan jasotako informazioari esker, agenteek ustezko erasotzailea atxilotu, eta ertzain-etxera eraman dute. Atxilotu dutenean, ustez erasoa egiteko erabili duen labana aurkitu diote soinean.
Izapideak amaitutakoan, epailearen aurrera eramango dute.