Gizartea -
Basaurin
Kaputxadun batzuk Mercabilbaon sartu eta bildutako dirua eraman dute
Lapurrek fruta eta barazki postuetako kutxa gotorrak apurtu dituzte beste batzuk eraikineko zabaltzan zainketa lanetan ari ziren bitartean.
Erredakzioa
Mercabilbao handizkako merkatuko fruta eta barazki postuetan dirua lapurtu dute igande honetan. Merkatuak Bizkaia eta inguruetako dendariak hornitzen ditu eta lapurtutako dirua kutxa gotorretan zegoen. Gertatutako guztia segurtasun kamarek grabatu dute.
Ertzaintzak ikerketa martxan jarri du. Lapurretan goizaldean izan da, gutxienez lau kaputxadunek osotutako taldeak saltoki ezberdinetako kutxa gotorrak indarrez ireki eta bertan zegoen dirua hartu dutenean. Lapurrek kalte ugari sortu dituzte.
Herrizaingo Sailak jakinarazi duenez, Ertzaintza erasotako saltokien jabeen salaketak biltzen eta lekua ikuskatzen ari da gertatutakoaren inguruko frogak hartzeko.