Gizartea -
Trafikoa
Hiru lagun zauritu dira Gasteizen, autoa iraulita
Ezbeharra 17:00ak pasata gertatu da, N-104ko 359. kilometroan, argitu gabeko arrazoiengatik, ibilgailua errepidetik atera eta irauli denean.
AGENTZIAK | ERREDAKZIOA
Hiru lagun zauritu dira larunbat honetan N-104 errepidean, Gasteizen, ibilgailua errepidetik aterata, SOS Deiakek jakitera eman duenez.
Istripua 17:00ak pasata jazo da, N-104 errepideko 359. kilometroan, Matauko parean, argitu gabeko arrazoiengatik, autoa errepidetik atera eta irauli denean.
Suhiltzaileak eta medikuak bertaratu dira, eta Txarrigorritxuko eta Santiagoko ospitaleetara eraman dituzte zaurituak.
Hau zure interesekoa bada, baliteke beste gai hauek ere izatea