Gizon batek emakume bat hil du Granadan

Gizon batek, ustez, emakume bat hil du Granadako Maracena udalerrian. Poliziak 49 urteko gizona atxilotu du, 39 urteko bikotekidea hiltzea leporatuta.

Guardia Zibilaren iturriek jakinarazi dutenez, hilketa matxista 10:20 aldera gertatu da emakumearen etxebizitzan. Etxe horretan zerbait gertatzen ari zela jakinarazi diote bizilagunek Guardia Zibilari, eta agenteak bertaratu direnean emakumea hilda aurkitu dute, ustezko hiltzailea alboan zuela.

Biktimak ez du inoiz tratu txarrik salatu, eta, Udalaren arabera, emakumeak ez du laguntzarik eskatu udal zerbitzuetan.

Udalak minutu bateko isilunea deitu du eguerdirako, hilketa gaitzesteko.

_________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.