Gizartea -
Trafikoa
Olatzagutiko 45 urteko gizon bat hil da Altsasun, moto istripu batean
Goizaldean gertatu da ezbeharra A-1 errepidean. Motozalea bidetik atera da eta errepide bazterreko babesaren kontra talka egin du.
AGENTZIA | ERREDAKZIOA
Nafarroan, Olatzagutiko 45 urteko gizon bat hil da Altsasun izandako moto istripu batean, Nafarroako Foruzaingoak jakinarazi duenez.
Goizaldean gertatu da ezbeharra A-1 errepidean. Antza denez, motozalea errepidetik atera da eta errepide bazterreko babesaren kontra talka egin du.
Foruzaingoa istripuaren nondik norakoak ikertzen ari da.
