Gizartea -

AP-1 AUTOBIDEA

AP-1 autobideko Gurutzetxiki tunela itxi dute, segurtasun ariketa bat egiteko

Hori dela eta, AP-1 autobidea itxita egongo da 09:00etatik 14:00etara Eskoriatza eta Arrasate artean, bi noranzkoetan.

AGENTZIA | ERREDAKZIOA

Whatsapp Facebook Twitter Telegram Email

Bidegik segurtasun ariketa bat egingo du gaur Gurutzetxiki tunelean. Hori dela eta, AP-1 autobidea itxita egongo da Eskoriatza eta Arrasate artean, bi noranzkoetan, 09:00etatik 14:00etara.

Gipuzkoako Azpiegituren Agentziak ohar bidez jakinarazi duenez, 2004/54/CE Europako Parlamentuko eta Kontseiluko Zuzentaraua beteaz egingo du simulakroa. Horren arabera, Europa Barneko Errepideen Sareko 500 metroko luzera baino gehiago duten tuneletan segurtasun-probak egin behar dira.

Eibarrerako noranzkoan, 09:00etatik 14:00etara izango da mozketa, eta Eskoriatzako sarbidea itxita egongo da noranzko horretan. Gasteizerako bidean, ostera, 10:00etatik 13:00etara egingo da mozketa, eta Arrasateko sarrera itxita egongo da noranzko berean.

Errepidea itxita dagoen bitartean, AP-1ean Gasteiztik Eibarrera doanak Eskoriatzako 123 irteeran atera beharko du autobidetik eta GI-626 errepidetik jarraitu Arrasateko ordainlekuraino. Alderantziz, Gasteizerantz doanak Arrasateko 130 irteera erabili beharko du eta GI-626 errepidetik Eskoriatzako ordainlekura segi autobidera berriro sartzeko.

Hau zure interesekoa bada, baliteke beste gai hauek ere izatea
Trafikoa Gipuzkoako albisteak Arrasate albisteak Gizartea Albisteak Gaur Gasteiz albisteak Gaurko azken orduko albistea Eskoriatza albisteak Debagoiena gaur