Gizartea -
Bilbo
Liskar baten ondoren eskopetarekin airera tiro egiteagatik atxilotuta
54 urteko gizonezkoa atxilotu du Ertzaintzak goizaldean, Bilboko Otxarkoaga auzoan. Antza, gazte batzuekin liskarra izan du eta tiro egingo ziela mehatxatu ditu.
Erredakzioa
Ertzaintzaren agenteek 54 urteko gizonezkoa atxilotu dute Bilbon, ustez arma zuri batekin mehatxu egiteagatik.
Gertakaria goizaldean izan da, Otxarkoaga auzoan. Lekuko batzuen arabera, atxilotuak, auzoko bizilaguna, liskarra izan du gazte batzuekin eta tiro egingo ziela esanez mehatxatu omen ditu
Istiluaren ondoren 54 urteko gizonezko estera joan da eta eskuan eskopeta hartuta itzuli da. Liskarra izan duen gazteak ikusi ez dituenean bi tiro egin omen ditu airera.
Ertzaintzak kalean atxilotu du gizonezkoa, eta eskopeta erretiratu diote. Ehizeko armak bi kartutxo zituen eta lurrean erabilitako beste bi kartutxo aurkitu dituzte agenteek.
54 urteko gizonezkoa, ustez arma zuriaz mehatxu egiteagatik dago atxilotuta epailearen aurretik pasatzeko zain.