Gizartea -
TRAFIKOA
Garabi-kamioi batek su hartu du eta Enekuritik Artxandara doan errepidea itxi dute
Ez da inor zauritu. Lanean aritu dira ibilgailua BI-3741 errepidetik erretiratzeko. Antza denez, garabi-kamioiak matxura izan eta su hartu du.
EITB.EUS
Garabi-kamioi batek su hartu du BI-3741 errepidean, Enekurin, eta Enekuritik Artxandara doan bidea erabat itxi dute bi norabideetan, Eusko Jaurlaritzako Segurtasun Sailak eitb.eus-i baieztatu dionez.
Antza denez, garabi-kamioiak matxura izan du motorrean eta, ondorioz, su hartu du.
Dena den, ez da inor zauritu.
Hala ere, ibilgailuak eragozpenak sortu ditu. Garabi-kamioia bidetik erretiratu duten arte, errepidea erabat itxi dute. Segurtasun Sailaren arabera, ibilgailua erretiratzeko lanek luze jo dute.
Argazkia: DYA Bizkaia