Gizartea -
HEZKUNTZA
Batxilergoan Filosofia derrigorrezko ikasgaia izatea jasoko du Lomceren erreformak
Diputatuen Kongresuak aho batez eskatu ostean, Espainiako Hezkuntza Ministerioaren hezkuntza erreforman Filosofiaren Historia irakasgaia derrigorrezkoa izango da.
AGENTZIAK | ERREDAKZIOA
Batxilergoko 2. mailan Filosofiaren Historia ikasgaia derrigorrezkoa izatea jasoko du Espainiako Hezkuntza Ministerioak Lomce hezkuntza legearen erreforman, Diputatuen Kongresuak Batxilergoan Filosofia derrigorrezko irakasgai izateko eskatu ostean. Gaur egun, hautazko irakasgaia da.
Hezkuntza Ministerioak ohar bidez jakinaraz duenez, erreforma hori datozen hilabeteetan onartuko du Ministroen Kontseiluak, eta ondoren hasiko da tramitazioa Diputatuen Kongresuan.
Gainera, Derrigorrezko Bigarren Hezkuntzan (DBH) Etika irakasgaia ere derrigorrezkoa izango da, "komenigarriena den kurtsoan".
Lomce erreformak egindako aldaketaren ondorioz, Filosofiaren Historiak Batxilergoko 2. mailan nahitaezkoa izateari utzi zion 2013. urtean, PP agintean zegoen garaian.
